سەنتەرەکانی پشکنینی کۆرۆنا لە رانیە و سۆران کەوتنەکار

K24 – هه‌ولێر:

سەنتەرەکانی پشکنینی کۆرۆنا لە سۆران و رانیە کەوتنەکار و بەڕێوەبەری تەندروستی سۆرانیش رایگەیاند، لە توانایاندایە رۆژانە 150 پشکنینی کۆرۆنا ئەنجامبدەن

کاروان جەمال، بەڕێوەبەری تەندروستی سۆران بە کوردستان24ـی راگەیاند، سەنتەری پشکنینی کۆرۆنا لە شارەکەیان کەوتەکار و لەمەودوا بۆ پشکنینی کۆرۆنا پێویستیان بە سەنتەری پشکنینی ناوەندی هەولێر نابێت.

بەڕێوەبەری تەندروستی سۆران گوتیشی، لە توانایاندایە رۆژانە 150 پشکنینی کۆرۆنا ئەنجامبدەن و ئاشکراشی کرد، ماوەی سێ رۆژە دەستیان بەکارکردن کردووە.

هەروەها هیوا مەحمود، بەڕێوەبەری تەندروستی راپەڕین رایگەیاند، سەنتەری پشکنینی کۆرۆنا لە شارەکەیان کەوتووەتەکار.

‌H.J