چوار کەس بە تۆمەتی دزیەکەی قەزای خەبات دەستگیر کران

K24 - هه‌ولێر:

قایمقامی قه‌زای خه‌بات رایگه‌یاند، بەپێی ئەو زانیارییانه‌ی لە کامێرای چاودێری و شایەتحاڵەکانەوە دەست لایەنە ئەمنییەکانی قەزاکە کەوتووە، دزییه‌كه‌ی هه‌فته‌ی رابردووی دوو پێشانگاكه‌ی خه‌بات، له‌لایه‌ن 4 كه‌س ئه‌نجامدراوه‌.

سوارە ئەکرەم، قایمقامی قەزای خەبات راشیگه‌یاند، یه‌كێك له‌ دزه‌كان كورده‌ و دانیشتووی هه‌ولێره‌، دووانی دیكه‌ش سوورین و یه‌كێكیان خه‌ڵكی باكووری كوردستانه‌.

سواره‌ ئه‌كره‌م ئه‌وه‌شی خسته‌ڕوو، به‌شێك له‌و پارانه‌ی بردوویانه‌ لێیان وه‌رگیراوه‌ته‌وه‌، كه‌ 6 ملیۆن دیناری عێراق، 2 هه‌زار و 800 دۆلار (28 وه‌ره‌قه‌) له‌گه‌ڵ 150 كارتی مۆبایل.

ئه‌وه‌شی ئاشكرا كرد، به‌‌ به‌شێكی ئه‌و پاره‌یه‌ی دزیبوویان، ئۆتۆمبێلێکیان پێ کڕیوە، ئێستاش ئۆتۆمبێله‌کە لەلایەن هێزە ئەمنییەکانەوە ده‌ستی به‌سه‌ردا گیراوه‌.

شه‌وی 29/4/2020 دزی له‌ دوو پێشانگای قه‌زای خه‌بات كرا و به‌ گوێره‌ی گوته‌ی خاوه‌نه‌كانیان، بڕی 70 ملیۆن دیناریان لێدزرا.

ئه‌و شوێنه‌ی هه‌فته‌ی رابردوو دزییه‌كه‌ی لێكرا

ئ. م