ژن و پیاوێكی دیكە لە خانەقین كوژران

K24 - ھەولێر

لە خانەقین ژن و پیاوێك كە ھاوسەری یەكترن، لە لایەن چەکدارانی داعشەوە کوژران.

پەیامنێری کوردستان24 رایگەیاند، دوای کوشتنی دایک و باوکی، ژمارەیەک چەکداری داعش، لە گوندی تەفرقە سەربە خانەقین منداڵێکی کچی تەمەن دوو ساڵییان رفاندووە، دواتر لەلایەن هێزە ئەمنییەکانەوە رزگارکراوە.

دوێنێش دوو جووتیاری كوردی كاكه‌یی، لەلایەن چەکدارانی داعشەوە لە گوندێکی سەربە خانەقین کوژران.

لەلایەکی دیکەوە، میدیای حەشدی شەعبی بڵاویکردەوە، لە پرۆسەیەکی سەربازیدا 15 چەکداری داعشییان لە رۆژئاوای پارێزگای نەینەوا کوشتووە.