سەڵاحەدین بەهادین: ‏پێکهاتەکانی كوردستان ئازادن لە هەڵوێست و باری سیاسی و کۆمەڵایەتی خۆیان

K24 – هه‌ولێر:

سەڵاحەدین بەهادین، ئەمینداری گشتی یەکگرتووی ئیسلامی کوردستان پەیامێکی بڵاوکردەوە و تیایدا هاتووە، ‏پێکهاتە ئاینی و نەتەوەییەکانی كوردستان ئازادن لە هەڵوێست و باری سیاسی وکۆمەڵایەتی خۆیان.

لە پەیامەکەی سەڵاحەدین بەهادین هاتووە، ‏پێکهاتە ئاینی و نەتەوەییەکانی کوردستان بەشێکی زیندوی نیشتمانن و مایەی شانازی ئەزمونەکە و نیشانەی جوانیی پێکەوە ژیانی کۆمەڵگەکەمانن.

ئاماژەی بەوەشکردووە، پێکهاتەکان ئازادن لە هەڵوێست و باری سیاسی و کۆمەڵایەتی خۆیاندا، هەروەک هەموو لایەنێکی تر، ناهەقیە شەڕی کەموکوڕی هەڵبژاردنەکان تەنیا بەوان بفرۆشین.