مووچەی چەند وەزارەتێک دابەش دەکرێت

K24 – هه‌ولێر:

سەرچاوەیەک لە وەزارەتی دارایی بە کوردستان24ـی راگەیاند، سبەی مووچەی چەند وەزارەتێک دابەش دەکرێت.

سبەی سێشەممە، مووچەی وەزارەتی کاروکاروباری کۆمەڵایەتی، مووچەی خاوەن پێدوایستی تایبەت، ئەنجوومەنی دادوەری، وەزارەت داد، وەزارەتی سامانە سرووشتییەکان، وەزارەتی ئەوقاف و کاروباری ئاینی، وەزارەتی پلاندانان و وەزارەتی پیشەسازی دابەش دەکرێت.

ئەمەش لەکاتێکدایە، ئەمڕۆ و سبەی، مووچەی وەزارەتی پەروەردە دابەش دەکرێت.