هەڵەبجە.. فێستیڤاڵی هەنار بووەتە شوێنی نمایشی چالاکییە هونەری و کولتوورییەکان

فێستیڤاڵی ئەمساڵی هەناری هەڵەبجە جیا لە بەرهەم و بەروبوومەکانی هەنار و نمایشی بەرهەمی خۆماڵی، شوێنێکی تایبەتە بۆ تێکهەڵکێشی هونەر و کولتووری کوردی.

لە فێستیڤاڵی هەناردا لە هەڵەبجە،گۆرانی و هەڵپەرکێی کوردی، هونەرەکانی شێوەکاری، فۆتۆگرافی و سیرامیک، بە هێما و نەخشی هەنار رەنگ و بۆیان بە فێستیڤاڵەکە دابوو.

فێستیڤاڵی ساڵانەی هەنار دەرفەتێكە بۆ تێکهەڵکێشی هونەر و کولتووری کوردی، بە گوتەی ئەندامێکی سەندیکای هونەرمەندانی کوردستان هەر ئەوەش وای کردووە فۆتۆگرافەرانی کوردیش کارەکانی خۆیان بەم جۆرە نمایش بکەن.