چەرەز مەترسی تووشبوون بە نەخۆشی دڵ و شەکرەی جۆری دووەم کەم دەکاتەوە
توێژینەوەکان دەریانخستووە، ئەو کەسانەی گوێز لە خۆراکەکانیاندا هەیە، تەندروستییەکی باشیان هەیە.
توێژینەوەکان ئەوەشیان دەریانخستووە، ئەو کەسانەی بە بەردەوامی گوێز دەخۆن، کێشیان کەمتر زیاد دەکات و ئەگەری قەڵەوییان کەمترە.
بیانکا تامبورێلۆ، پسپۆڕی خۆراک دەڵێت: گوێز خۆراکێکی زۆر باشە بۆ دابەزاندنی کێش، چونکە پڕە لە چەورییە تەندروستەکان، کە دەبێتە هۆی هەستکردن بە تێربوون، هەروەها بڕێکی باش کالۆری تێدایە، بەڵام ئەمەش بەو واتەیە نییە کە دوور بکەویتەوە لە خواردن پێویستە ڕۆژانە 1 بۆ 2 ژەم بخۆیت.
سوودەکانی بادەم بۆ دابەزاندنی کێش؛
بادەم زیادکردنی ماددە خۆراکییە کوالیتی بەرزەکان بۆ جەستەت دابین دەکات کە ڕەنگە یارمەتیت بدات بۆ گەیشتن بە ئامانجەکانی دابەزاندنی کێشت.
سامانتا مەکلیۆد پسپۆڕی خۆراک دەڵێت: دوو ژەم بادەم زیاتر لە 7 گرام ڕیشاڵی تێدایە.
دەرکەوتووە ئەو خۆراکانەی کە دەوڵەمەندن بە ڕیشاڵ وەک بادەم یارمەتی کەمکردنەوەی هۆکارەکانی هەوکردن لە جەستەدا دەدەن.
هەروەها ئەو خۆراکانەی کە ڕیشاڵی زۆریان تێدایە وەک بادەم پەیوەندییان بە باشتربوونی میتابۆلیزم و کەمبوونەوەی مەترسی تووشبوون بە نەخۆشییەکانی دڵ و شەکرەی جۆری دووەم و باشترکردنی کارکردنی هەرسکردن و ڕەنگە تەنانەت کەمبوونەوەی مەترسی تووشبوون بە شێرپەنجەی قۆڵۆن هەیە.
دوو ژەم بادەم زیاتر لە 12 گرام پرۆتینی تێدایە، ئەمەش وایکردووە، زۆر باش بێت بۆ یارمەتیدانی پاراستنی بارستەی ماسولکەکانت.
جۆرەکانی تری گوێز بۆ دابەزاندنی کێش
گازۆ
توێژینەوەکان دەریدەخەن، خواردنی گازۆ ڕەنگە یارمەتیت بدات بۆ پاراستنی پێکهاتەی جەستەی تەندروست.
گوێز
خواردنی گوێز لەوانەیە ئەو بەشەی مێشک چالاک بکات کە برسێتی و ئارەزووی خواردن کۆنتڕۆڵ دەکات.