ئەنجوومەنی وەزیران لەبارەی دوو پرس کۆ دەبێتەوە

ئەمڕۆ چوارشەممە، 27-11-2024، ئەنجوومەنی وەزیرانی هەرێمی کوردستان بە سەرپەرشتیی سەرۆک وەزیران مەسرور بارزانی کۆ دەبێتەوە و دوو تەوەر تاوتوێ دەکات. 

تەوەرەکانی کۆبوونەوەی ئەمڕۆی ئەنجـوومەنی وەزیران: 

بڕگەی یەکەم: خستنەڕووی ڕاپۆرتێک لەلایەن وەزیری پلاندانان سەبارەت بە بەڕێوەچوونی قۆناغی یەکەمی سەرژمێریی گشتیی دانیشتووان كه‌ لە ڕۆژانی 20 بۆ 21 مانگی یازده‌ی ئه‌مساڵ لە عێراق و هەرێمی كوردستان به‌ڕێوه‌چوو و هه‌روه‌ها قۆناغ و هەنگاوەكانی دیكەی پرۆسەكه‌ ده‌خرێته‌ به‌رباس و گفتوگۆكردن. 

بڕگەی دووەم: پرۆژە بڕیارێكی پێشنیازكراو لەلایەن وەزارەتی شارەوانی و گەشتوگوزارەوە ده‌خرێته‌ ڕوو سەبارەت بە پاژەكردن یان (پێدان بە قیست)ی ئەو بڕە پارەیەی كە لە زیادەڕۆكار وەردەگیرێت كە بە زێدەڕۆیی خانووی نیشتەجێبوونی لە سنووری شارەوانییەكان دروست كردووە.