لە بەدلیس 23 ئۆتۆمبێل پێکیاندا دا و 31 کەس بریندار بوون
ڕووداوێکی هاتوچۆ لە سەر ڕێگەی بەدلیسی باکووری کوردستان ڕووی دا. لە ڕووداوەکەدا 23 ئۆتۆمبێل پێکیاندا دا و 31 کەس بریندار بوون.
شەممە، 07-12-2024، بە هۆی تەمێکی چڕ و سەهۆڵبەندان، زنجیرە ڕووداوێکی هاتوچۆ لە سەر ڕێگەی نێوان بەدلیس- تاتوان لە باکووری کوردستان، ڕوویان دا.
لە ڕووداوەکەدا ٢٣ ئۆتۆمبێل پێکیاندا دا و بە پێی زانیارییە بەراییەکان 31 کەس بریندار بوون.
دوای ئاگادارکردنەوەیان، تیمەکانی جەندەرمە، پۆلیس، ئافاد و فریاکەوتن گەیشتنە ناوچەکە.
بریندارەکان بە ئۆتۆمبێلەکانی فریاکەوتن بۆ نەخۆشخانەی تاتوان گوازرانەوە و ئۆتۆمبێلەکانیش لەسەر ڕێگەکە لابران و ڕێگەی هاتۆچۆ کرایەوە.
