بنەماڵەی زیندانیانی نێو زیندانەکانی هەسەدە داوایەک لە ئەمەریکا و فەرەنسا و هاوپەیمانان دەکەن

بنەماڵەی زیندانیان و بزربووەکانی ڕۆژئاوای کوردستان پەیامێکیان ئاراستەی ئەمەریکا، فەرەنسا و هاوپەیمانیی نێودەوڵەتی کرد و داوایان کرد چارەنووسی کەسوکارەکانیان دیاری بکرێت.

ئــەوان، لە پەیامەکەیاندا باسیان لەوە کردووە "هەوڵەکانی ئەمەریکا و فەرەنسا و هاوپەیمانیی نێودەوڵەتی بۆ یەکڕیزیی سیاسی لە ڕۆژئاوای کوردستان زۆر بەرز دەنرخێنین، بەڵام چارەنووسی کەسوکارەکانمان لە زیندانەکانی هێزەکانی سووریای دیموکرات (هەسەدە) هێشتا نادیارە."

ئەو بنەماڵانە، داوایان لە ئەمەریکا و فەرەنسا و هاوپەیمانیی نێودەوڵەتی کردووە فشار بخەنە سەر فەرماندەیی هێزەکانی سووریای دیموکرات بۆ دیاریکردنی چارەنووسی کەسوکارەکانیان. هاوکات داواش دەکەن، پارێزەریان بۆ دابنرێن.

لیستی ناوی بێسەروشوێنەکان و شوێن و کاتی ڕفاندنیان:

- جەمیل عومەر (13ی تەمموزی 2012 لە قامیشلۆ)

- بێهزاد دۆرسین (24ی تشرینی یەکەمی 2012 لە دێرک)

- نیدال عوسمان (24ی تشرینی یەکەمی 2012 لە شاری دێریک)

- ئەحمەد سیدۆ (10ی ئەیلولی 2013 لە عەفرین)

- ئیدریس ئێلۆ (8ی تشرینی دووەمی 2013 لە عەفرین)

- ئەمیر حەمید (11ی نیسانی 2014 لە شاری دیربێسی)

- فوئاد ئیبراهیم (24ی ئازاری 2017 لە دێریک)

- مید محەممەد خەلیل عەلی (16ـی نیسانی 2013 لە قامیشلۆ)

- عەقید محەممەد هەیسەم (16ـی نیسانی 2013 لە قامیشلۆ)

- عەقید حەسەن ئوسۆ (16ـی نیسانی 2013 لە قامیشلۆ)

- عەقید محەممەد گولە خێیری (16ـی نیسانی 2013 لە قامیشلۆ)

- موقەدەم شەوقی عوسمان (16ـی نیسانی 2013 لە قامیشلۆ)

 -  ڕاید بێهزاد نەعسۆ (16ـی نیسانی 2013 لە قامیشلۆ)

- نەقیب حوسێن بەکر  (16ـی نیسانی 2013 لە قامیشلۆ)

- ڕێنیشاندەری مەدەنی ڕاغب محەممەد (16ـی نیسانی 2013 لە قامیشلۆ)