ئەنبار.. لە زەماوەندێکدا 30 کەس ژەهراوی بوون
لە زەماوەندێکی سنووری پارێزگای ئەنبار، 30 کەس ژەهراوی بوون.
ئەحمەد ناجی، پەیامنێری کوردستان24 ڕایگەیاند، زەماوەندێکی قەزای گەرمەی سەر بەپارێزگای ئەنبار، 30 کەس ژەهراوی بوون و ڕەوانەی نەخۆشخانە کران.
پەیامنێری کوردستان24 باسی لەوەش کرد "لەو کەسانەی ژەهراوی بوون 12ـیان ئافرەت و هەشتی دیکەشیان پیاون و ئەوانی دیکەش منداڵن. ئەوانە دواتر ڕەوانەی نەخۆشخانەی فەلوجە کراون."
بەڕێوەبەری نەخۆشخانەی گەرمە، حازم حامد، گوتی: "ئەوانە لە ئەنجامی خواردنی پیس و باش ئامادەنەکراوی ئاهەنگەکە، ژەهراوی بوونە و زۆربەیان تووشی سکچوون و ڕشانەوە بوون."