سامانە سروشتییەکان: 250 ملیۆن لیتر نەوتی سپی دابەش کراوە

وەزارەتی سامانە سروشتییەکان ئاماژەی بەوە دا، تاوەکوو ئێستە نزیکەی 250 ملیۆن لیتر نەوتی سپی دابەش کراوە. 

چوارشەممە، 8کانوونی دووەمی 2025، وەزارەتی سامانە سروشتییەکانی حکوومەتی هەرێمی کوردستان بڵاوی کردەوە، تاوەکوو ئێستە نزیکەی 250 ملیۆن لیتر نەوتی سپی بەسەر نزیکەی ملیۆنێک و 248 هەزار خێزان دابەش کراوە دەکاتە ڕێژەی 88% کۆی نەوتی دابەشکراو.

بەگوێرەی ڕاگەیاندراوی وەزارەتی سامانەسروشتییەکان، دابەشکردنی نەوتی سپی، لە 15ـی ئەیلوولی 2024 تاوەکو 7ـی کانوونی دووەمی 2025، بووە.