ترەمپ: پێویستە ڕووسیا دەستبەجێ شەڕی 'گەمژانە'ـی لەگەڵ ئۆکرانیا ڕابگرێت

دۆناڵد تره‌مپ، سه‌رۆكی ئه‌مه‌ریكا
دۆناڵد تره‌مپ، سه‌رۆكی ئه‌مه‌ریكا

سه‌رۆكی ئه‌مه‌ریكا ڕایده‌گه‌یه‌نێت، ئه‌گه‌ر له‌گه‌ڵ ڕووسیا سه‌باره‌ت به‌ شه‌ڕی ئۆكرانیا ڕێك نه‌كه‌ون، سزای زیاتر و له‌سه‌ر ئاستی باڵای باج و پێناسه‌ی گومرگی ده‌خه‌نه‌ سه‌ر ئه‌و وڵاته‌.             

چوارشه‌ممه‌، 22ـی كانوونی دووه‌می 2025، دۆناڵد تره‌مپ، سه‌رۆكی ئه‌مه‌ریكا له‌ په‌یامێكدا له‌ پلاتفۆرمی "زە تروس" ڕایگه‌یاند، پێویسته‌ سنوورێك بۆ شه‌ڕ له‌ ئۆكرانیادا بنرێت. گوتیشی، ئه‌گه‌ر ئه‌و كاتی شه‌ڕه‌كه‌ هه‌ڵگیرسا سه‌رۆك بووایه‌، هه‌رگیز ڕێگه‌ی نه‌ده‌دا ڕوو بدات.

دۆناڵد تره‌مپ ئاماژه‌ی به‌وه‌ش كرد، ئه‌گه‌ر ڕووسیا ده‌ستبه‌جێ ململانێ و شه‌ڕی "گه‌مژانه‌"ـی له‌گه‌ڵ ئۆكرانیا ڕانه‌گرێت، سزای زیاتری به‌سه‌ردا ده‌سه‌پێنێت. ڕوونیشی كرده‌وه‌، سزاكان له‌سه‌ر ئاستی باج و پێناسه‌ی گومرگی و بابه‌ت و پرسی دیكه‌دا ده‌بن.

سه‌رۆكی ئه‌مه‌ریكا جه‌ختیشی كرده‌وه‌، ئێسته‌ كاتی هاتووه‌ شه‌ڕی ڕووسیا و ئۆكرانیا ڕابگیرێت و چیتر قوربانی له‌م پێناوه‌دا نه‌درێت.

تره‌مپ سه‌رنجی بۆ ئه‌وه‌ش ڕاكێشاوه‌، په‌یوه‌ندیی له‌گه‌ڵ ڤلادیمێر پوتین، سه‌رۆكی ڕووسیا زۆر باشه‌.