ترەمپ داواکارییە گشتیەکانی سەردەمی بایدن دوور دەخاتەوە
دۆناڵد ترەمپ، سەرۆکی ویلایەتە یەکگرتووەکانی ئەمەریکا ڕایگەیاند، وەزارەتی دادی وڵاتەکەی ڕێنمایی کردووە، سەرجەم ئەو داواکارییە گشتییانەی ئەمەریکا کە لە سەردەمی جۆو بایدن، سەرۆکی پێشووی ئەمەریکادا ماونەتەوە، لە کارەکانیان دووربخاتەوە.
ترەمپ لە تۆڕی کۆمەڵایەتی نووسیویەتی: لە ماوەی چوار ساڵی ڕابردوودا، وەزارەتی داد زیاتر لە جاران بە سیاسی کراوە، بۆیە من ڕێنماییم کردووە، هەموو داواکاران ئەمەریکا کە لە ئیدارەی بایدن ماونەتەوە، کۆتایی پێبهێنرێت.
دەشڵێت: دەبێت دەستبەجێ ماڵ پاک بکەینەوە و متمانە بگەڕێنینەوە، دەبێت سەردەمی زێڕینی ئەمەریکا سیستەمێکی دادپەروەری و دادپەروەرانەی هەبێت و ئەوەش لە ئەمڕۆوە دەست پێدەکات.
هەفتەی ڕابردوو کۆشکی سپی ئاگاداری کۆتاییهێنان بە چەند داواکارێکی ئەمەریکی دەرکرد کە لەلایەن بایدنەوە دەستنیشانکرابوون.
ڕۆژی دووشەممە چەند داواکارێکی ئەمەریکی کە لە سەردەمی بایدن دامەزراون، دەستلەکارکێشانەوەی خۆیان ڕاگەیاند و هەندێکی دیکەشیان پێشتر حکوومەتییان بەجێهێشتبوو.
لە کاتێکدا ئاساییە داواکارانی ئەمەریکا دەست لەکاربکێشنەوە دوای گۆڕانکاری لە ئیدارەدا.
دەرکردنی داواکارانی ئەمەریکا بەرپرسانی باڵای جێبەجێکردنی یاسای فیدراڵین لە ناوچەکانیان، نوێنەرایەتی دوایین گێژاوی وەزارەتی دادی ئەمەریکا دەکات لە دوای دەستبەکاربوونی ترەمپ لە مانگی ڕابردوودا.