کەشناسیی هەرێم: شەپۆلێکی باران و بەفر ناوچەکانی هەرێمی کوردستان دەگرێتەوە
بەرێوەبەرایەتیی گشتیی کەشناسی و بومەلەرزەزانیی هەرێمی کوردستان کەشى پێشبینیکراوى 48 کاتژمێرى داهاتووی بڵاو کردەوە.
کەشناسی و بومەلەرزەزانیی هەرێم ڕایگەیاند، پێشبینی دەکرێت، کەشی ئەمڕۆ چوارشەممە، 19-2-2025، ئاسمان نیمچە هەور بێت، لە ئێوارەدا دەگۆڕێت بۆ هەورى تەواو. ئاماژەی بەوەش کرد، سەرەتا لە سنوورى ڕۆژاواى هەرێم و سنوورى پارێزگاى دهۆک و بەشیک لە ناوچە شاخاوییە سنوورییەکان باران دەبارێت و هەروەها لە درەنگانی شەویشدا کەمێک بەفر دەبارێت، پلەکانی گەرماش بەراوورد بە تۆمارکراوەکانی دوێنێ کەمیک نزم دەبتەوە.
ئاماژەی بە کەشی کەشی سبەینێ پێنجشەممە، 20ـی شوباتی 2025 کرد، کە ئاسمان هەور و باراناوى دەبێت، ئەم شەپۆلى بارانە سەرجەم ناوچەکانی هەرێمی کوردستان دەگرێتەوە، هەروەها لە ناوچە سنوورییەکان بەفر دەبارێت، سەرەتا دابارین بەشێوە پچر پچر دەبێت، لە شەودا هێز و تاوى باران زیاد دەکات بۆ بارانى مامناوەند و لە ناوچە شاخاوییەکان بۆ لێزمەبارانى بەردەوام. هەروەها پلەکانی گەرما 2 تا 4 پلە بەراوورد بە تۆمارکراوەکانی ئەمڕۆ نزم دەبنەوە.
بەرزترین پلەکانی گەرمای پێشبینیکراو بە پلەی سیلیزی :
هەولێر : 11 پلەى سیلیزى
سلێمانی : 9پلەى سیلیزى
دهۆک : 7پلەى سیلیزى
کەرکوک :14 پلەى سیلیزى
زاخۆ : 8پلەى سیلیزى
هەڵەبجە : 7 پلەى سیلیزى
حاجی ئۆمەران : 6 پلەى سیلیزى
سۆران : 13 پلەى سیلیزى
گەرمیان : 14پلەى سیلیزى