داوا لە ئیسرائیل دەکرێت بە زووترین کات ڕێگە بە هاوکارییەکان بدات بۆ ناو غەززە
وەزیرانی ئەڵمانیا، بەریتانیا و فەڕەنسا، داوایان لە ئیسرائیل کرد یارمەتی مرۆیی بەخێرایی و بێ ئاستەنگ بچێتە ناو کەرتی غەززە.
لە بەیاننامەیەکی هاوبەشدا، هەر سێ وڵاتەکە داوایان لە ئیسرائیل کرد ئەرکە نێودەوڵەتییەکانی خۆی بۆ گەیاندنی یارمەتییە مرۆییەکان بە خەڵکی غەززە "بە شێوەیەکی تەواو، خێرا، سەلامەت و بێ بەربەست" جێبەجێ بکات.
وەزیرەکان هۆشدارییان دا کە "ڕاگرتنی هاتنی کاڵا و یارمەتییەکان بۆ ناو کەرتی غەززە، وەک ئەوەی حکوومەتی ئیسرائیل ڕایدەگەیەنێت، ڕەنگە پێشێلکردنی یاسا مرۆییە نێودەوڵەتییەکان بێت".
هەروەها جەختیان لەوەش کردەوە "گەیاندنی هاوکاریی مرۆیی ناتوانرێت بە مەرجی ئاگربەست بێت و ناتوانرێت بۆ مەبەستی سیاسی بقۆزرێتەوە".
