فەرماندەیەكی سوپای عێراق كوژرا

K24 - ھەولێر

لە بۆسەیەکی داعشدا لە رۆژئاوای ئەنبار، فەرماندەیەکی سوپای عێراق کوژرا.

فەرماندەیی ئۆپەراسیۆنە هاوبەشەکانی عێراق رایگەیاند، لە بۆسەیەکی ژمارەیەک چەکداری داعش لە نزیک بازگەیەک لە ناوچەی عەگبە لە قەزای هیت-ی رۆژئاوای ئەنبار، ئەحمەد عەبدولواحید لامی، فەرماندەی لیوای 29ی فیرقەی 7ی هێزی زەمینی و ئەفسەرێک بە پلەی مولازم کوژراون و دوو سەربازیش برینداربوون.

چەكدارانی داعش لە چەند ناوچەیەكی عێراق بەردەوامن لە چالاكییەكانیان و ماوەیەك لەمەبەریش فەرماندەیەکی دیکەی لیوا لە تارمییەی باکووری بەغدا کوژرا.