ئەمەریکا... سزای 53 ساڵ بەسەر بکوژی منداڵێکی فەڵەستینیدا سەپێندرا
دادگایەک لە ویلایەتی ئیلینوێ، ڕۆژی هەینی سزای 53 ساڵ زیندانی بەسەر بکوژی منداڵێکی فەڵەستینی-ئەمەریکیدا سەپاند.
هەینی 2ـی ئایاری 2025، دادگایەکی ویلایەتی ئیلینوێ، سزای 53 ساڵ زیندانی بەسەر بکوژی منداڵێکی فەڵەستینی-ئەمەریکیدا سەپاند، کە تاوانەکە هەفتەیەک دوای دەستپێکردنی شەڕی غەززە لە ئۆکتۆبەری 2023 کرا.
جۆزێف چوبا 30 ساڵ بە تاوانی کوشتنی منداڵە شەش ساڵانەکە و 20 ساڵ بە تاوانی هەوڵدان بۆ کوشتنی دایکی و سێ ساڵ بە هۆی تاوانی ڕەگەزپەرستییەوە زیندانیکردنی بەسەردا سەپێندرا.
جۆزێف چوبا، لە 14ـی تشرینی یەکەمی 2023، بەچەقۆ هێرشی کردە سەر منداڵێکی فەڵەستینی بەناوی مەدیح فیومی و حەنان شاهینی دایکی کە تەمەنی 32 ساڵ بوو، دوای ئەوەی منداڵەکە بریندراکرا لە نەخۆشخانەیەکی نزیک شیکاگۆ گیانی سپارد.
پۆلیس دەڵێت، ئەو دوو قوربانییە لەلایەن تۆمەتبارەکەوە کراوەتە ئامانج، چونکە موسڵمان بوون و بەهۆی بەردەوامی ململانێی ڕۆژهەڵاتی ناوەڕاست لەنێوان حەماس و ئیسرائیلییەکان، ئاماژەی بەوەش کرد، منداڵەکە 26 چەقۆی لێدراوە.
دادگای ناوچەی ویل، لەمانگی شوباتی ڕابردوودا بەتۆمەتی کوشتنی پلە یەک و ڕق و کینە و ڕەگەزپەرستی، جۆزێف چوبای تەمەن 73 ساڵی دادگایی کرد.
جۆزێف چوبا کە لە دوای تاوانەکەوە دەستگیرکراوە، ئەو تۆمەتانەی ئاراستەی کراوە ڕەتدەکاتەوە.
