بەهۆی خۆڵبارینەوە 48 کەس ڕەوانەی نەخۆشخانەکانی کەرکووک کراون
شەپۆڵێکی چڕی خۆڵبارین عێراق و هەرێمی کوردستانی گرتووەتەوە.
سێشەممە، 13ـی ئایاری 2025، فەرمانگەی تەندروستی کەرکوک ڕایگەیاند: بەهۆی خۆڵبارینەوە، تاوەکوو ئێستا 48کەس ڕەوانەی نەخۆشخانەکانی کەرکووک کراون.
لەلای خۆیەوە بەرێوەبەرایەتیی کۆچ و کۆچبەرانی هەولێر ڕایگەیاند: داوا لە هاووڵاتییان دەکەین ئاگاداری تەندروستی خۆیانبن و تاوەکوو سێ ڕۆژ شەپۆڵی خۆڵبارین بە چڕی بەردەوام دەبێت.
بەڕێوەبەراتییەکە داوا لە هاووڵاتییان دەکات، دەرگا و پەنجەرەکان دابخەن و ئاوی زۆر بخۆنەوە، لە ژوورەکانیان بمێنەوە و ڕاهێنانی قورس ئەنجام نەدەن.
