کەشناسیی هەرێم: پلەکانی گەرما بەرز دەبنەوە

بەڕێوەبەرایەتی گشتیی کەشناسیی و بوومەلەرزەزانی هەرێمی کوردستان، کەشى پێشبینیکراوى 48 کاتژمێرى داهاتووی بڵاوکردەوە و ڕایگەیاند،  پلەکانی گەرما کەمێک بەرز دەبنەوە.

کەشناسیی هەرێم بڵاوی کردەوە، پێشبینی دەکرێت، کەشی ئەمڕۆ، پێنجشەممە، 22-5-2025، ئاسمان ساماڵ بێت لە هەندێ ناوچەش پەڵە هەورە، هەروەها پلەکانی گەرما بەراوورد بە ئامارەکانی دوێنێ کەمێک بەرزتر دەبنەوە. 

ئاماژەی بەوەش کردووە، پێشبینی دەکرێت، کەشی سبەینێ هەینی، 23-5-2025، ئاسمان لە نێوان پەڵە هەور و نیمچە هەور بێت، هەروەها پلەکانی گەرماش نزیک دەبنەوە لە تۆمارەکانی ئەمرۆ.

بەرزترین پلەکانی گەرمای پێشبینیکراو بە پلەی سیلیزی.

هەولێر : 39 پلەی سیلیزی

سلێمانی : 37 پلەی سیلیزی

دهۆک : 38 پلەی سیلیزی

کەرکوک : 39 پلەی سیلیزی 

زاخۆ : 39 پلەی سیلیزی

هەڵەبجە : 41 پلەی سیلیزی

سۆران : 35 پلەی سیلیزی

حاجی ئۆمەران : 26 پلەی سیلیزی

گەرمیان :44 پلەی سیلیزی