ژمارەیەك كەسایەتی و سەركردەی سیاسیی بە بۆنەی یادی 74 ساڵەی دامەزراندنی پارتی پیرۆزبایی لە سەرۆك بارزانی دەكەن
لە رێی تەلەفۆنەوە پەیوەندییان بە سەرۆك مەسعود بارزانییەوە كرد
K24 - ھەولێر
بەبۆنەی یادی حەفتا و چوار ساڵەی دامەزراندنی پارتی دیموكراتی كوردستان ژمارەیەك كەسایەتی و سەركردەی سیاسیی لە رێی تەلەفۆنەوە پیرۆزبایی لە سەرۆك بارزانی دەكەن.
ئێوارەی رۆژی 16ـی 8ـی 2020 بە بۆنەی یادی حەفتا و چوار ساڵەی دامەزراندنی پارتی دیموكراتی كوردستان هەر یەك لە بەڕێزان عومەر سەید عەلی رێكخەری گشتیی بزووتنەوەی گۆڕان و محەمەد حاجی مەحموود سكرتێری حزبی سۆسیایست دیموكراتی كوردستان و بەڵێن عەبدوڵڵا سكرتێری حزبی زەحمەتكێشانی كوردستان و چیا نەوشیروان مستەفا و سەلیم جبووری ئەندام و سەرۆكی پێشووی ئەنجوومەنی نوێنەرانی عێراق، لە ڕێی تەلەفۆنەوە پەیوەندییان بە سەرۆك مەسعود بارزانییەوە كرد و بە بۆنەی یادی حەفتا و چوار ساڵەی دامەزراندنی پارتی دیموكراتی كوردستان پیرۆزباییان لە سەرۆك بارزانی و سەركردایەتی و كادیر و ئەندام و لایەنگرانی پارتی كرد. لەو پەیوەندییە تەلەفۆنییانەدا جەخت لە پەیوەندیی دوو لایەنە و هەماهەنگی و دۆستایەتیی نێوانیان كرایەوە.