دوو وه‌به‌رهێنه‌ری هه‌رێمی كوردستان له‌ سنه‌ بازاڕێكی هاوچه‌رخ درووستده‌كه‌ن

K24 – هه‌ولێر:

به‌ به‌های 200 ملیار تومه‌ن، دوو وەبەرھێنەری ھەرێمی كوردستان پڕۆژەیەكی ستراتیژی لە شاری سنەی رۆژھەڵاتی كوردستان به‌ ناوی "سنه ‌سه‌نته‌ر" جێبەجێدەكەن، ئەو پڕۆژەیە لە قۆناغی یەكەمدا بڕی 200 ملیار تومەنی تێدەچێت و بڕیارە لە دوو ساڵدا تەواو بێت. سەرۆكی شارەوانی سنە، حیشمه‌توڵڵا سه‌ییدی رایگه‌یاند، ئەو پڕۆژەیە خزمەتێكی گەورە بە شاری سنە دەكات.

پڕۆژه‌كه‌ له‌ ماوه‌ی دوو ساڵدا ته‌واو ده‌كرێت و دوای ته‌واوكردنی، بۆ یەكەمجار سنە ده‌بێته‌ خاوەن بازاڕێكی ھاوچەرخ. شارەوانی سنە زەوی و مۆڵەتی كاركردنی بۆ دابینكردوون و دوو وەبەرھێنەری هه‌رێمی كوردستان بە سەرمایەی خۆیان دروستی دەكەن. پڕۆژه‌كه‌ له‌سه‌ر رووبه‌ری 50 هه‌زار مه‌تر چوارگۆشه‌ بنیاتده‌نرێت.

سەرەتای ھاوینی ئەمساڵ بە ئامادەبوونی ھەردوو پارێزگاری سنە و سلێمانی بەردی بناغەی پڕۆژەكە دانرا و ئێستا پڕۆژەی سنە سەنتەر له‌ قۆناغی جێبه‌جێكردندایه‌.