نێچیرڤان بارزانی په‌یامێكی پیرۆزبایی به‌بۆنه‌ی سه‌ری ساڵی نوێی كۆچی بڵاوده‌كاته‌وه‌

K24 - هه‌ولێر:

نێچیرڤان بارزانی، سه‌رۆكی هه‌رێمی كوردستان، به‌بۆنه‌ی سەری ساڵی نوێی کۆچی، په‌یامێكی بڵاوكرده‌وه‌ و تێیدا پیرۆزبایی له‌ موسڵمانانی هه‌رێمی كوردستان و عێراق و جیهان ده‌كات.

له‌ به‌شێكی په‌یامه‌كه‌یدا هیواخوازه‌ ساڵی نوێی كۆچی ببێته‌ ساڵێكی پڕ له‌ خێر و خۆشی بۆ هه‌موو لایه‌ك و ده‌ڵێت: "خوای مەزن پەتای کۆرۆنا و لێکەوتە سەختە ئابووری و تەندروستییەکانی لە کۆڵ جيهان بکاتەوە".

ده‌قی په‌یامه‌كه‌:

"یەکی موحەڕرەم، سەری ساڵی نوێی کۆچی لە تێکڕای موسڵمانانی کوردستان، عێراق و جیهان پیرۆز بێت، هیوادارم ساڵی نوێی کۆچی، کۆتایيی مەینەتی و گرفت و كێشه‌كان بۆ موسڵمانان و کۆی مرۆڤایەتی لەگەڵ خۆيدا بهێنێت، ساڵێکی پڕ لە خێر و خۆشی بۆ هەموو لایەک ده‌خوازم.

خوای مەزن پەتای کۆرۆنا و لێکەوتە سەختە ئابووری و تەندروستییەکانی لە کۆڵ جيهان بکاتەوە، له‌ سايه‌ى پێكه‌وه‌ژيان و لێبورده‌يى، شادی و سەقامگیری و خۆشگوزەرانی ڕوو بکاتەوە کوردستان، كوردستانييانى ئازيز و ته‌واوى مرۆڤايه‌تى سه‌لامه‌ت و پارێزراو بن.

هه‌موو ساڵێك به‌ خۆشى و له‌ هه‌موو لايه‌ك پيرۆز بێت.

نێچیرڤان بارزانی

سەرۆکی هەرێمی کوردستان

29 ذو الحجة 1441ى كۆچى

19/8/2020"