عێراق.. ژمارهی تووشبوون به كۆرۆنا 200 ههزاری تێپهڕاند
لهماوهی 24 كاتژمێردا تووشبوونی 3 ههزار و 965 كهسی دیكه به پهتاكه پشتڕاست كرایهوه
.gif)
K24- ههولێر:
وهزارهتی تهندروستی عێراق ئاماری 24 كاتژمێری رابردووی تووشبوون، مردن و چاكبوونهوهی كۆرۆنای له سهرانسهری وڵات به پارێزگاكانی ههرێمی كوردستانیشهوه راگهیاند.
بهگوێرهی راگهیهندراوهكهی وهزارهتی تهندروستی عێراق، لهماوهی 24 كاتژمێری رابردوودا پشكنین بۆ 20 ههزار 459 كهس ئهنجامدراوه و تووشبوونی 3 ههزار و 965 كهسی دیكه به پهتاكه پشتڕاست كرایهوه.
وهك لهراگهیهندراوهكهدا هاتووه، لهماوهی شهو و رۆژێكدا 70 كهسیش بههۆی پهتاكه گیانیان لهدهستداوه.
هاوكات 2 ههزار و 947 حاڵهتی چاكبوونهوهش له پهتاكه راگهیهندراوه.
تا ئێستا كۆی ئهوانهی له سهرانسهری عێراق تووشی پهتاكه بوونه، ژمارهیان گهیشته 201 ههزار و 50 حاڵهت، لهو ژمارهیهش 6 ههزار و 353 كهس بههۆی ڤایرۆسهكهوه گیانیان لهدهستداوه و 143 ههزار و 393 كهسیش بهتهواوی چاكبوونهتهوه و 51 ههزار و 304 كهسیش له نهخۆشخانهكان لهژێر چاودێری پزیشكیدان، لهو ژمارهیهش 637 كهس بههۆی ناجێگیری دۆخی تهندروستییان لهژێر چاودێری چڕی پزیشكیدان.
H.B