نرخی نەوت زیاتر دابەزی

K24- هەولێر:

نرخی نەوت بەشێوەیەکی بەرچاو دابەزی، ئەمەش دوای ئەوەی سعوودییە نرخی بەرهەمی نەوتی بۆ مانگی داهاتوو کەمکردەوە.

جیا لەمەش، لە هیندستان، بەریتانیا و ئیسپانیا و چەند بەشێکی ویلایەتە یەکگرتووەکانی ئەمەریکا، کۆرۆنا بەردەوامە لە زیاتر تەشەنە سەندن.

بەگوێرەی هەواڵێکی ئاژانسی رۆیتەرز،  نرخی یەک بەرمیل نەوتی برێنت، بۆ 39 دۆلار و 78 سەنت دابەزی، هەروەها نرخی یەک بەرمیل نەوتی تێکساسیش بۆ 36 دۆلار و 76 سەنت دابەزی.

دابەزینی نرخی نەوت زیانی زۆری بەو وڵاتانە گەیاندووە کە پشت بە بەرهەمی نەوت دەبەستن بۆ دەستخستنی داهات و تاکو ئێستاش داهاتووی نرخی نەوت دیار نییە.