ئیتاڵیا لە ساڵیادی جینۆسایدی بارزانییان: پەیوەندیی بەهێزی خۆمان لەگەڵ گەلی کورد پشتڕاست دەکەینەوە
کونسوڵی ئیتاڵیا لە هەولێر، لە ساڵیادی جینۆسایدی بارزانییان جەخت لە پەیوەندیی بەهێزی وڵاتەکەی لەگەڵ گەلی کورد دەکاتەوە.
پێنجشەممە، 31ـی تەممووزی 2025، تۆمماسۆ سانسۆنی، کونسوڵی گشتیی ئیتاڵیا لە هەولێر لە تۆڕی کۆمەڵایەتیی ئێکس، پەیامێکی بە بۆنەی 42ـەمین ساڵیادی جینۆسایدی بارزانییان بڵاوکردەوە.
لە پەیامەکەی کونسوڵی ئیتاڵیادا هاتووە "ئەمڕۆ 42 ساڵ بەسەر جینۆسایدی بارزانییەکان لە کاتی ئۆپەراسیۆنی ئەنفالدا تێدەپەڕێت. زیاتر لە هەشت هەزار پیاو و کوڕ، "بێ تاوان" چونکە سەر بە هۆزی بارزانی بوون، بە شێوەیەکی دڕندانە لەلایەن ڕژێمی عێراقەوە کوژران."
سانسۆنی جەختی کردووەتەوە "ئیتاڵیا لەم بۆنە دڵتەزێنەدا نزیکیی و پەیوەندیی بەهێزی خۆی لەگەڵ گەلی کورد پشتڕاست دەکاتەوە."
Oggi ricorrono 42 anni dal #genocidio dei #Barzani durante l’operazione #Anfal. Oltre 8.000 uomini e ragazzi, “colpevoli” di appartenere alla tribù Barzani, brutalmente uccisi dal regime iracheno.
— Italy in KRI (@ItalyinKRI) July 31, 2025
L’Italia conferma la propria vicinanza al popolo curdo in occasione di questa… pic.twitter.com/1quzBsYRiq
ئەمڕۆ 42 ساڵ بەسەر ئەنفالکردنی بارزانییەکان تێدەپەڕێت، پرۆسەی ئەنفالکردنی کورد لە نیوەی دووەمی سەدەی ڕابردوودا بە ئەنفالکردنی بارزانییەکان دەستیپێکرد و رژێمی پێشووی عێراق، بە چەند قۆناخێک ئەنجامی دا، سەرەتا بەشێک لە بارزانییەکانی لە زێدی خۆیانەوە بۆ ناوچەکانی دیکە ڕاگواست و دواتر لە چەند کۆمەڵگەیەکی زۆرەملێ لەژێر ئەمنییەتی تونددا نیشتەجێی کردن.