پشکنینێکی نوێ مرۆڤایەتی لە بەڵای کۆرۆنا رزگار دەکات
هەنگاوێکی گەورەیە لە جەنگی رووبەڕووبوونەوەی کۆرۆنا
K24- هەولێر:
بەم نزیکانە، جۆرە پشکنینێکی نوێی ڤایرۆسی کۆرۆنا دەخرێتەڕوو کە لە ماوەی 15 بۆ 30 خولەک ئەنجامی پشکنینەکە ئاشکرا دەکات.
پشکنینەکە سوودێکی زۆری بۆ تەواوی جیهان دەبێت و رێکخراوی تەندروستی جیهانیش بەم نزیکانە بڕیاری لەسەر دەدات.
کۆمیسیۆنی ئەوروپا لە هەوڵی بەرهەمهێنانی ئەو جۆرە پشکنینەیە و سوودێکی زۆری بۆ وڵاتانی هەژار و دەوڵەمەند دەبێت چونکە دەبێتە هۆی هەڵگرتنی زۆربەی رێکارەکان و تێچووەکەشی زۆر کەمە.
بەگوێرەی هەواڵێکی رۆژنامەی گاردیان، ئەڵمانیا لە ئێستاوە داوای بیست ملیۆن پشکنینی هاوشێوەی کردووە و پشکنینەکەش هاوشێوەی پشکنینی دووگیانییە.
هەریەک لە بەریتانیا و فەرەنساش، لە هەوڵدان بۆ دەستخستنی ئەو جۆرە پشکنینە.
رێکخراوی تەندروستی جیهانی بڕیاریداوە، لەگەڵ پەسەندکردنی ئەوجۆرە پشکنینە، لە زانکۆ و نەخۆشخانە و شوێنە گشتییەکان بەکار بێت.
پێش هەم جۆرە پشکنینەش، کۆریای باشوور و ئەمەریکا، کاریان لەسەر بەرهەم هێنانی پشکنینی خێرا و هەرزان کردووە، بەڵام تاوەکو ئێستا لە لایەن رێکخراوی تەندروستی جیهانییەوە پەسەند نەکراوە.