لە خورماڵ کەسێک لەنێو دوکانەکەیدا کوژرا

کەسێک لە خورماڵ لەنێو دوکانەکەی خۆیدا کوژرا، پۆلیسیش دەستی بە لێکۆڵینەوە کردووە.

ڕائید ئاکام قوتبەدین ئاغاوەیس، گوتەبێژی بەڕێوەبەرایەتی پۆلیسی پارێزگای هەڵەبجە لەبارەی ڕووداوەکە ڕایگەیاند: سەرلەبەیانی ئەمڕۆ یەکشەممە 14ـی ئەیلوولی 2025، تەرمی هاووڵاتیەک بەناوی (وەهبی تاهیر میكە) کە تەمەنی 43 ساڵە و پیشەی کاسبە و دانیشتوی خورماڵە، کوژراوە و تەرمەکەی گەیەنراوەتە پزیشکی دادی هەڵەبجە .

گوتەبێژی بەڕێوەبەرایەتی پۆلیسی پارێزگای هەڵەبجە ئاشکرای دەکات، شوێنەواری فیشەک بەسەریەوە بووە، ڕوداوەکە لەشوێنی کارەکەی کەدوکانێکی دروستکردنی خواردەمەنی بووە لەنێو  قەزای خورماڵ،  ڕوویداوە. 

ئاماژە بەوەشدەکات، لێکۆڵینەوە لە ڕوداوەکە دەستی پێکردوە و لەلایەن بەشی پۆلیسی بەڵگەو تاوان،  بەڵگەکان  هەڵگیراونەتەوە و دەمانجەیەک دەستی بەسەردا گیراوە، ڕاشیدەگەیەنێت:  بەبڕیاری دادوەری لێکۆڵینەوە، کەسێک بەتۆمەتی ڕووداوەکە دەستگیرکراوە، هاوکات  دۆسیەی لێکۆڵینەوە بۆ ڕوداوەکە لەبنکەی پۆلیسی خورماڵ ڕێکخراوە.