ئەنجوومەنی وەزیران ڕێککەوتنە سێقۆڵییەکەی هەناردەکردنەوەی نەوتی کوردستان تاوتوێ دەکات
ئەمڕۆ چوارشەممە، 24ی ئەیلوولی 2025، ئەنجوومەنی وەزیرانی هەرێمی کوردستان بە سەرپەرشتیی سەرۆک وەزیران مەسرور بارزانی، کۆدەبێتەوە.
بە گوێرەی ڕاگەیەنراوی فەرمانگەی میدیا و زانیاری، لە كۆبوونەوەكەدا بابەتی ڕێككەوتننامەی سێ لایەنەی نێوان حكوومەتی فیدراڵی و حكوومەتی هەرێمی كوردستان و كۆمپانیا نەوتییەكان، تایبەت بە دەستپێكردنەوەی هەناردەی نەوتی هەرێمی كوردستان، لەبەر ڕۆشنایی یاسای بودجەی گشتیی فیدراڵیی هەمواركراو و بڕیاری ئەنجوومەنی وەزیرانی هەردوولا دەخرێتە ڕوو.
بە گوێرەی ڕاگەیەنراوەکە، لە بڕگەیەكی دیكەدا، دواپێشهاتی دۆسیەی پۆلێنكردنی داهاتە نانەوتییەكان و دەستنیشانكردنی بەشی گەنجینەی فیدراڵی دەخرێتە ڕوو.
