ئەردۆغان: دەمانەوێت له ههموو بوارێكی وزهی نوێكهرهوهدا له پێشهوهی جیهان بین
توركیا لە پلەی 12ههمە لە سەر ئاستی جھانی لە بواری وزەی نوێكەرەوە
K24 -ھەولێر:
سەرۆكی توركیا، رەجەب تەیب ئەردۆغان ئەمڕۆ پێنجشەممە رایگەیاند، وڵاتەكەی ھەوڵدەدات لە پێشەوەی لیستی دەوڵەتانی جیھان بێت لە بواری وزەی نوێكەرەوەدا.
ئەم قسەی ئەردۆغان لە میانی بەشداریكردنی ھات لە كۆبوونەوەی سەرۆك لقەكانی پارتی داد و گەشەپێدان لە ویلایەتەكانی توركیا.
ئەردۆغان روونیكردەوە، حكومەتە یەكە لەدوا یەكەكانی داد و گەشەپێدان لە ساڵی 2002یەوە، زۆر دەستكەوتیان لە بواری وزەی نوێكەرەوە بەدەستھێناوە.
گوتیشی: بە ھۆی وەبەرھێنانی زۆر لەم بوارەدا، توركیا لە پلەی 12ههمە لە سەر ئاستی جھانی لە بواری وزەی نوێكەرەوە.
سەرچاوە: ئەنادۆڵ