کۆمیسیۆن: پارتی لە هەولێر زۆرترین دەنگی بەدەستهێناوە

کۆمیسیۆنی باڵای سەربەخۆی هەڵبژاردنەکانی عێراق، ئەنجامی کۆتایی دەنگدانی گشتیی و تایبەتی هەڵبژاردنی خولی شەشەمی عێراقی ڕاگەیاند و پارتی دیموکراتی کوردستان لەو پارێزگایە نۆ کورسی مسۆگەر کرد.

دووشەممە، 17ـی تشرینی دووەمی 2025، کۆمیسیۆنی باڵای سەربەخۆی هەڵبژاردنەکانی عێراق، لە کۆنگرەیەکی ڕۆژنامەوانیدا ئەنجامی کۆتایی دەنگدانی هەڵبژاردنی خولی شەشەمی ئەنجوومەنی نوێنەرانی عێراق رایگەیاند: پارتی دیموکراتی کوردستان لە پارێزگای هەولێر 369724 دەنگی بەدەستهێناوە.

لە پارێزگای هەولێر، ژمارەی کورسییەکان، 16 کورسییە، کورسی گشتی 15 و یەک کورسی کۆتا و چوار کورسی ئافرەتان، جگە لە پارتی دیموکراتی کوردستان، ژمارە 222ـی یەکێتی نیشتمانی کوردستان 97 هەزار و 411 دەنگی بەدەستهێناوە بە 3 کورسی و هەروەها لیستی 225 ڕەوتی هەڵوێستی نیشتمانی 63 هەزار و 298 دەنگی هێناوە، 2 کورسی بەدەستهێناوە، لیستی 288، نەوەی نوێ، 38 هەزار 921 دەنگی هێناوە بە یەک کورسی، ژمارەی لایەنی سیاسی کۆتای مەسیحییە کە ژمارە 336، ناوی کاندیدی سەرکەوتوو کلدو ڕەمزی هورمز شابۆ، 18 هەزار و 517 دەنگی هێناوە بە یەک کورسی.

کاندیدە دەرچووەکان پارتی و ژمارەی دەنگەکانیان لەو پارێزگایە:

1-ڕێبوار هادی عەبدولڕەحمان، 31608 دەنگ

2-سەفین یاسین محەممەد ئەمین، 21892 دەنگ

3-بایز ئیسماعیل ئەسعەد، 20430 دەنگ

4-عەلی خالس جەواد، 16164 دەنگ

5-دانەر عەبدوڵغفار عەزیز، 15893 دەنگ

6-سیپان عەزیز حەدۆ، 15825 دەنگ

7-چیمەن حەسەن عەزیز 15264دەنگ

8-ئاڤێستا مام یەحیا عوسمان 10497دەنگ

9-چیمەن بابەکر محەممەد. 9250 دەنگ

یەکشەممە، 9ـی تشرینی دووەمی 2025، دەنگدانی تایبەت و سێشەممە، 11ـی تشرینی دووەم، دەنگدانی گشتیی بۆ هەڵبژاردنی خولی شەشەمی ئەنجوومەنی نوێنەرانی عێراق بەڕێوەچوو.