گەشتەکانی فڕۆکەخانەی بەغدا ڕاگیران
وەزارەتی گواستنەوە و گەیاندنی عێراق، ڕاگرتنی کاتیی گەشتە ئاسمانییەکانی فڕۆکەخانەی نێودەوڵەتی بەغدای بەهۆی نالەباریی کەشوهەواوە ڕاگەیاند.
لە بەیاننامەیەکدا وەزارەتەکە ڕوونیکردووەتەوە، بەهۆی تێکچوونی دۆخی کەشوهەوا و کەمبوونەوەی مەودای بینین، بڕیاردراوە گەشتەکان بەشێوەیەکی کاتی ڕابگیرێن.
ئاماژەی بەوەشکردووە، لەگەڵ باشتربوونی کەشوهەوا و ئاساییبوونەوەی دۆخەکە، لە ڕاگەیەندراوێکی دیکەدا وادەی دەستپێکردنەوەی گەشتەکان و کردنەوەی فڕۆکەخانە بڵاودەکرێتەوە.
