بەم سێ رێگایە خۆت لە پەتا و هەڵامەتی زستانە بپارێزە

K24- هەولێر:

لەگەڵ هاتنی وەرزی زستان و سەرما، تووشبوون بە هەڵامەت و پەتا جیاوازەکان زۆرتر دەبن، تاکە چارەسەریش بەهێزکردنی سیستمی بەرگرییە.

بۆ بەهێزکردنی بەرگریت لەم وەرزە، دەبێت رەچاوی ئەم سێ خاڵەی خوارەوە بکەیت:

خواردنی تەندروست

زۆر خواردنی سەوزە، پاقلەمەنییەکان، میوە و خواردنە کەم چەورییەکان. ئەو خواردنانەی دەوڵەمەندن بە کانزاکان و ڤیتامینەکان، بەتایبەت ڤیتامین سی و دی و زینک دەبێت بکرێنە خواردنی سەرەکی.

دوورکەوتنەوە لە خواردنەوە کحولییەکان و تووتن

کێشانی جگەرە، دەبێتە هۆی زووتر تووشبوون بە درمەکان و کار دەکاتە سەر سییەکان، هەروەها خواردنەوە کحولییەکان سیستمی بەرگری دادەبەزێنن و ئەگەری تووشبوونت بە پەتا جیاوازەکان زیاتر دەکەن.

دۆخی دەروونی

ترس، دڵەڕاوکێ و فشاری دەروونی کاریگەری گەورەیان لەسەر سیستمی بەرگری مرۆڤ هەیە. تەنیایی، کێشەی دارایی و فشاری دەروونی بەردەوام، کار دەکەنە سەر تەندروستی دەروونی. باشترە هەوڵ بدەیت، کەمتر تەنیا بیت و لە رێگای وەرزشکردن و گۆڕینی شێوازی ژیانت، فشارە دەروونییەکانت کەم بکەیتەوە.

ocregister