چەند کەسێک بەهۆی دۆسییەی سلێمان هەڵشۆیی دەستگیر کران
K24- هەولێر:
K24- هەولێر:
سەرچاوەیەکی ئەمنی بۆ کوردستان24ـی ئاشکرا کرد، 10 کەس لەسەر دۆسییەی سلێمان هەڵشۆیی لە دەڤەری راپەڕین دەستگیر کراون.
سلێمان هەڵشۆیی بە ناوی بازرگانیکردن، ئۆتۆمبێل، زەوی، خانوو و تەنانەت ئاژەڵیشی بە بەسوود و ماوە لە هاووڵاتییانی سنوورەکە وەرگرتووە، بەبێ ئەوەی گرێبەستی یاسایی بکەن، بەڵام دەگوترێت " مایەپووچبوونی خۆی و کۆمپانیاکەی راگەیاندووە''.
ئەوانەی مامەڵەیان لەگەڵ سلێمان هەڵشۆیی کردووە، هیچ گرێبەستێکی یاساییان نەکردووە، تەنها دەستنووسێک لەنێوانیاندا هەبووە.
سلێمان هەڵشۆیی هەرچی کڕیویەتی دەستبەجێ بە بڕێکی کەمتر لە نرخی بازاڕ فرۆشتووییەتییەوە و بە پارەکەی دەستیکەوتووە، کاری دراوی ئەلیکترۆنی کردووە، دەگوترێت تەنانەت یەک لەسەر سێی ئەو ماڵپەڕەی کڕیوە کە پارەکەی کردووەتە ئەلیکترۆنی و لێی داناوە.
بەپێی زانیارییەکانی کوردستان24 ئەو ماڵپەڕ و دراوە ئەلیکترۆنییە وەک خۆیانن و مایەپووچ نەبوون.
هەر لەگەڵ بڵاوبوونەوەی هەواڵی مایەپووچبوونی ئەو بازرگانە، سەدان کەس لەوانەی پارەیان لایەتی، چوونەتە سەر ماڵەکەی تاوەکو پارەکانیان وەربگرنەوە.