ئامادەکردنی لیستی مووچە پەیوەندی بە دابەشکردنی مووچەوە نییە
روونکردنەوە دەدرێت
K24- هەولێر:
سەرچاوەیەک لە وەزارەتی دارایی بە کوردستان24ـی راگەیاند، ئامادەکردنی لیستی مووچە، پەیوەندی بە دابەشکردنی مووچەوە نییە، بەڵکو بۆ رێکخستنی حیساباتی وەزارەتەکانە.
راشیگەیاند، بەهۆی هاتنی ساڵی نوێ، وەزارەت و فەرمانگەکانی حکومەت، رێکخستنەوەیان لە رووی دارایی بۆ دەکرێت.
سەرچاوەکە ئەوەشی خستەڕوو، ئەو هەواڵانە رەت دەکەنەوە کە باس لە دابەشکردنی مووچە و میکانیزمی تەمویلی مووچە دەکەن.
ئاماژەی بەوەشکرد، لە کاتی دابەشکردنی مووچە، وەزارەت بە فەرمی لیستی مووچە و میکانیزمی دابەشکردنی مووچە بڵاودەکاتەوە.