قوباد تاڵەبانی تووشی كۆرۆنا بوو
جێگری سەرۆكی حكومەت تووشبوونی بە كۆرۆنا راگەیاند
K24 – ھەولێر
قوباد تاڵەبانی جێگری سەرۆكی حكومەتی ھەرێمی كوردستان تووشی كۆرۆنا بوو.
قوباد تاڵەبانی لە ھەژماری تایبەتی خۆی لە تۆڕی كۆمەڵایەتی تویتەر نوسیوویەتی: "پاش ئەنجامدانی پشكنین، دەرئەنجامەكەی دەرچوو كە ھەڵگری ڤایرۆسی كۆرۆنام، بۆیە پێویستە ماوەیەك بەركەوتنم نەبێت تاوەكو تێیدەپەڕێنم. ھیوای سەلامەتی بۆ ھەمووان دەخوازم. تكایە بەردەوام بن لەخۆپارێزی".