سەرۆک بارزانی و عەلی باپیر جەختیان لە چارەسەرکردنی چەقبەستوویی سیاسیی هەرێم کردەوە

بارەگای بارزانی بڵاویکردەوە، رۆژی دووشەممە 3ـی ئابی 2026 سەرۆک مەسعود بارزانی پێشوازی لە مامۆستا عەلی باپیر سەرۆکی کۆمەڵی دادگەریی کوردستان و شاندێکی یاوەری کرد.

لە دیدارەکەدا بیروڕا لەبارەی دوایین ئەگەر و پێشهاتەکان و بارودۆخی ناوچەکە و عێراق و دەرهاوێشتەکانی ئاڵۆزیی و گرژییەکانی ناوچەکە لەسەر سەقامگیری و ئابووریی جیهانی و هەرێمایەتی ئاڵوگۆڕ کرا.

هەر لەو دیدارەدا رۆشنایی خرایە سەر پڕۆسەی سیاسیی هەرێم و هەوڵەکان بۆ نزیکبوونەوەی لایەنە سیاسییەکان و تێپەڕاندن و چارەسەرکردنی چەقبەستوویی سیاسیی هەرێم.