کارمەندێکی دژەتیرۆری یەکێتی لەکاتی مەشقدا گیانی لەدەستدا

پەیامنێری کوردستان24، ئاماژە بەوە دەکات، کارمەندێکی دژەتیرۆری یەکێتیی کە خەڵکی شاری کەرکووکە لەکاتی مەشق و راهێنان گیانی لەدەستداوە.

ئەمڕۆ پێنجشەممە، 24ـی ئەیلوولی 2026، هاوژین جەمال، پەیامنێری کوردستان24، لە سلێمانی رایگەیاند: کارمەندێکی دژەتیرۆر بە ناوی ئالان حسێن پێش نیوەڕۆی ئەمڕۆ لە سلێمانی لە کاتی مەشقی رۆژانەیاندا بەربووەتەوە و بەسەختی بریندار بووە و بەگوێرەی زانیارییەکانی پەیامنێری کوردستان24، ئەو کارمەندەی دژەتیرۆر بەهۆی سەختی برینەکەی گیانی لەدەستداوە.

پەیامنێری کوردستان24، ئاماژە بەوە دەکات، تەرمەکەی ئێستا لە سلێمانییە و بڕیارە بۆ کەرکوک بگەڕێندرێتەوە، چونکە خەڵکی شاری کەرکوک و دانیشتووی گەڕەکی شۆرجەیە.