بارانبارین لە زۆربەی ناوچەکانی هەرێم بەردەوام دەبێت

کەشناسی هەرێمی کوردستان ئاماژە بەوە دەکات، لە هەندێک لە ناوچەکانی رۆژهەلاتی هەرێم کاریگەری دابارین زیاتر دەبێت و لە هەندێک کاتدا هەورە بروسکەی لەگەڵ دەبێت، لە ئێوارەدا کاریگەری باران بارین لەسەر ناوچەکەمان لاواز دەبێت.

ئەمڕۆ هەینی 2ـی تشرینی دووەمی 2026، بەڕێوەبەرایەتیی گشتیی کەشناسی و بوومەلەرزەزانی هەرێمی کوردستان بڵاویکردەوە،  ئاسمان لە نێوان نیمچە هەور و هەوری تەواو دەبێت، نمە باران و بارانی مامناوەند بە پچڕپچری لە زۆربەی ناوچەکان بەردەوامی دەبێت، بە تایبەت لە سنووری پارێزگای سلێمانی و ئیدارەی سۆران.

کەشناسی ئاماژەی بەوە کردووە، لە هەندێک لە ناوچەکانی رۆژهەلاتی هەرێم کاریگەری دابارین زیاتر دەبێت و لە هەندێک کاتدا هەورە بروسکەی لەگەڵ دەبێت، لە ئێوارەدا کاریگەری باران بارین لەسەر ناوچەکەمان لاواز دەبێت

دەربارەی دابەزینی پلەکانی گەرما، کەشناسی رایگەیاندووە، بەراورد بە تۆمارەکانی دوێنێ پینجشەممە، 1-2 پلە نزمتر دەبێت و سبەی شەممە، ئاسمان بە گشتی نیمچە هەور دەبێت، لە ناوچە شاخاوییەکان و ناوچە سنووریەکان ئەگەری بارینی کەمێک نمە باران هەیە .

هاوکات، وێستگەی کەشناسی کفری بڵاویکردەوە، لە دوو رۆژدا 5 ملم باران لە ئیدارەی گەرمیان باریوە.

بەرزترین پلەکانی گەرما بەگوێرەی پێشبینییەکانی کەشناسی هەرێمی کوردستان:

هەولێر: 28 پلەی سیلیزی 

سلێمانی: 24 پلەی سیلیزی

دهۆک: 27 پلەی سیلیزی

هەڵەبجە:28 پلەی سیلیزی 

سۆران : 27 پلەی سیلیزی

پیرمام: 23 پلەی سیلیزی

چەمچەماڵ: 26 پلەی سیلیزی

زاخۆ: 30 پلەی سیلیزی 

ئاکرێ: 27 پلەی سیلیزی 

گەرمیان: 33 پلەی سیلیزی 

حاجی ئۆمەران: 20 پلەی سیلیزی.