ئایینی

ئەسقەفە کاتۆلیکییەکانی ئەمریکا: نزامان بۆ ترەمپ نەکردووە

جیهان ترەمپ

کۆنفرانسی سەردێری کڵێسا (ئەسقەف)ە کاتۆلیکییەکان لە ویلایەتە یەکگرتووەکان، رەتیان کردەوە هیچ جۆرە پەیوەندییەکیان بەو گرووپە ئایینییەوە هەبێت کە لەگەڵ دۆناڵد ترەمپ لە گرتەیەکی ڤیدیۆیی دەرکەوتوون و نزا و نوێژی لەگەڵ دەکەن.

چیکۆ نۆگۆچی، گوتەبێژی کۆنفرانسەکە، بە ئاژانسی فرانس پرسی راگەیاند: "کۆنفرانسی ئەسقەفە کاتۆلیکییەکانی ویلایەتە یەکگرتووەکان ئەم کۆبوونەوەی رێکنەخستووە و هیچ پەیوەندییەکی پێوەی نییە. هیچ زانیارییەکی زیاترم پێ نییە".

رۆژی پنجشەممە، مارگۆ مارتن، یاریدەدەری سەرۆکی ئەمریکا، گرتەیەکی ڤیدیۆیی بڵاوکردەوە کە تێیدا ترەمپ بە دانیشتووی لە پشت مێزەکەیەوە دەردەکەوێت و پیاوانی ئایینی دەورەیان داوە، کە یەکێکیان دەستی خستووە سەر شانی و بە دەنگی بەرز نزا دەکات.

مارتن لە پەیامێکدا لە پلاتفۆرمی ئێکس نووسیویەتی: "ئەسقەف و ئەسقەفی کاتۆلیکییەکان لەگەڵ سەرۆک ترەمپ لە ژووری هێلکەییدا نوێژ دەکەن"، و نیشانەیەکی دڵیشی لەگەڵ پەیامەکەدا دانابوو.

 
کوردستان24 دیجیتاڵ میدیا ,