پەیوەندییە گشتییەکانی سوپای پاسداران لە بڵاوکراوەیەکدا رایگەیاند، لە ئاسمانی شاری ئیسفەکان لەلایەن سیستەمی نوێی بەرگریی ئاسمانییەوە توانراوە درۆنێکی جۆری MQ9ی   ئەمریکی بخرێتە خوارەوە.

وەزارەتی بەرگریی ئیسرائیل کەمێک لەمەوبەر رایگەیاند، هێزی ئاسمانی سوپای وڵاتەکەی لە ناوجەرگەی تاران زنجیرەیەک هێرشی فراوانیان بۆ سەر چەندین ژێرخانی حکوومەتی ئێران بە سەرکەوتوویی جێبەجێ کردووە.

هەروا رایگەیاندووە، کەمێک دیکە وردەکارییەکانی هێرشەکان بڵاو دەکەنەوە.

ئەمڕۆ دووشەممە، 30ـی ئاداری 2026، وەزارەتی دەرەوەی کوێت، بە نوێنەرایەتی عەزیز رەحیم دەیهانی، بریکاری وەزیری دەرەوە بە وەکالەت، د. زەید عەباس ، هەڵسوڕێنەری کاروباری باڵیۆزخانەی عێراق لە کوێت بانگهێشت کرد.

لە دیدارەکەدا یاداشتێکی ناڕەزایەتی فەرمی ئاراستەی لایەنی عێراقی کرا، وەک دەربڕینی ناڕەزایەتی بەرانبەر بەو هێرشانەی لەلایەن گرووپە چەکدارە عێراقییەکانەوە دەکرێنە سەر خاکی کوێت.

بریکاری وەزیری دەرەوەی کوێت بە وەکالەت جەختی کردەوە، ئەنجامدانی هەر هێرشێکی چەکداری بۆ سەر کوێت لە رێگەی خاکی عێراقەوە، بە "دەستدرێژی بۆ سەر سەروەری و پێشێلکردنی یاسا نێودەوڵەتییەکان و میساقی نەتەوە یەکگرتووەکان" دادەنرێت و هەروەها کوێت بە توندی ئەو جۆرە هێرشانەی ڕەتکردەوە و داوای لە حکوومەتی عێراق کرد، هەموو ڕێکارێکی پێویست بەرانبەر هێرشکاران بگرێتە بەر بۆ ئەوەی ڕێگری لە دووبارەبوونەوەی ئەو کارانە بکرێت.

سەرۆکی ئەمریکا گوتی: بەمنزیکانە دەردەکەوێت کە ئایا محەممەدباقر قاڵیباف، سەرۆکی پەرلەمانی ئێران ئامادەی کارکردنە لەگەڵمان یان نا

وەزارەتی بەرگریی نیشتمانیی تورکیا لە راگەیەندراوێکی فەرمیدا ئاشکرای کرد، مووشەکێکی بالیستی کە لە خاکی ئێرانەوە ئاراستە کرابوو و هاتبووە نێو کایەی ئاسمانیی تورکیا، لەلایەن سیستەمی بەرگریی ناتۆوە تێکشکێندراوە.

وەزیری دەرەوەی ئەمریکا، ڕایگەیاند کە واشنتن خەریکی تاقیکردنەوەی نییەتی سەرکردایەتی ئێستای ئێرانە بۆ گەیشتن بە رێککەوتنێکی کۆتایی. جەختی کردەوە کە ئەمریکا رێگە نادات ئێران گەرووی هورمز دابخات یان باج لە کەشتییەکان وەربگرێت، هاوکات هۆشداری دا کە تاران بەهۆی سیاسەتەکەیەوە هەرگیز نابێت ببێتە خاوەن چەکی ناوەکی

فەرماندەی فەیلەقی قودسی سوپای پاسداران، ڕایگەیاند کە هێرشە هاوکاتەکانی حزبوڵڵا لە باکوور و حووسییەکان لە باشوور، درۆکانی ئیسرائیلیان بۆ نیشتەجێبووانیان ئاشکرا کردووە. قائانی جەختی کردەوە کە ئێستا تەواوی گرووپەکانی ناو بەرەی بەرگری لە ناو یەک ژووری جەنگی هاوبەشدا کار دەکەن و دۆخێکی نوێ لە ناوچەکەدا سەپێندراوە.

بەڕێوەبەرایەتیی نیشتمانیی سایبەری ئیسرائیل ئاشکرای کرد، کە لەوەتەی دەستپێکردنی جەنگەوە، هاکەرە ئێرانییەکان یان گرووپە جێ متمانەکانی تاران توانیویانە دزە بکەنە ناو سیستەمی لانی کەم 50 کامێرای ئەمنیی ئیسرائیل و داتاکانی 60 کۆمپانیای جیاوازیان بە تەواوی سڕیوەتەوە، ئەمەش بە مەبەستی چاودێریکردنی جووڵەی سەربازی و زانینی قەبارەی زیانەکانی بۆردوومان.