بەپێی راگەیەندراوی وەزارەتی بەرگریی ئیمارات، لە سەرەتای هێرشەکانی ئێران بۆ سەر وڵاتەکە، 262 مووشەک هەڵدراوە؛ 241یان تێکشکێنراون، 19ـیان لە دەریا کەوتوونەتە خوارەوە و تەنیا 2 مووشەک بەر ئامانجەکانیان کەوتوون؛ هەروەها 1475 درۆن ئاراستەی وڵات کراوە؛ 1385ـیان لە ئاسماندا بەرپەرچدراوەنەتەوە و 90 درۆن لە ناو خاکی وڵات کەوتوونەتە خوارەوە؛ هاوکات 8 مووشەک هاوێژراون و هەموویان تێکشکێنراون.

ئەمڕۆ سێشەممە، 10ـی ئاداری 2026، دۆناڵد ترەمپ، سەرۆکی ویلایەتە یەکگرتووەکانی ئەمریکا بە کەناڵی "فۆکس نیوز"ـی راگەیاند، "رەنگە گفتوگۆ لەگەڵ ئێرانییەکان بکەین". 

ئەمڕۆ سێشەممە، 10ـی ئاداری 2026، لەتیف رەشید، سەرۆککۆماری عێراق، لە پەیامێکدا پیرۆزبایی لە سەید موجتەبا عەلی خامنەیی کرد بەبۆنەی هەڵبژاردنی وەک رێبەری باڵای کۆماری ئیسلامیی ئێران.

سەرۆککۆماری عێراق، ئاماژەی بەوە کرد، "ئەم بۆنەیە بە دەرفەت دەزانین تاوەکوو هەڵوێستی نەگۆڕی عێراق بۆ پشتگیریکردن لە هەموو ئەو هەوڵە ناوچەیی و نێودەوڵەتییانە دووپات بکەینەوە ئامانج لێیان راگرتنی ململانێکان و هێورکردنەوەی گرژییەکانە لەپێناو کارکردنی هاوبەش بۆ چەسپاندن و بەهێزکردنی ئاشتی و ئاسایش لە سەرانسەری ناوچەکەدا."

وەزارەتی دەرەوەی عێراق، ئەمڕۆ سێشەممە، 10ـی ئاداری 2026، لە راگەیەندراوێکدا، سەرکۆنەی ئەو هێرشانە کرد کە نێردە دیپلۆماسیی و کونسوڵگەرییەکانی بەغدا و هەرێمی کوردستانیان بە ئامانج گرتووە.

وەزارەتی دەرەوەی قەتەر لە راگەیەندراوێکی فەرمیدا، بە تووندی سەرکۆنەی ئەو هێرشەی کرد کە کرایە سەر باڵەخانەی کونسوڵخانەی گشتیی دەوڵەتی ئیمارات لە هەرێمی کوردستان.

کۆمپانیای ئارامکۆی سعوودی، گەورەترین هەناردەکاری نەوت لە جیهاندا، هۆشداریی دەداتە بازاڕەکانی وزە و رایدەگەیەنێت؛ بەردەوامی پەکخستنی کەشتیوانی لە گەرووی هورمز بەهۆی ململانێکان لەگەڵ ئێران، لێکەوتەی کارەساتباری بۆ ئابووریی جیهان دەبێت.

فەرمانگەی پەیوەندییەکانی دەرەوە بە توندی سەرکۆنەی ئەو هێرشە ناڕەوایانە دەکات کە دەکرێنە سەر هاووڵاتیان و دامەزراوە مەدەنییەکان و بە ئامانج گرتنی نێردە دیپلۆماسیەکان.

فەرماندەیی ناوەندیی هێزەکانی ئەمریکا (سێنتکۆم) لە راگەیەندراوێکی فەرمیدا، پوختەی 10 رۆژی یەکەمی ئۆپەراسیۆنی "داستانی توڕەیی" بڵاوکردەوە کە دژی کۆماری ئیسلامی ئێران دەستیپێکردووە.

ئەمڕۆ سێشەممە، 10ـی ئاداری 2026، وەزارەتی دەرەوەی ئوردن لە راگەیەنراوێکدا بە توندی سەرکۆنەی هێرشکردنە سەر کونسوڵخانەی گشتیی ئیمارات لە هەولێری پایتەختی هەرێمی کوردستان کرد. 

وەزارەتی دەرەوەی ئوردن جەخت لە پێویستیی رێزگرتن لە یاسا نێودەوڵەتییەکان و رێککەوتنامەکانی ساڵی 1949ـی جنێڤ و 1969ـی ڤیێنا دەکات کە گەرەنتی پاراستنی بارەگای نێردە دیپلۆماسییەکان و ئەندامەکانیان دەکەن. 

سعوودیە سەرکۆنەی هێرشەکەی سەر کونسوڵخانەی گشتیی ئیمارات لە هەرێمی کوردستان دەکات و دەڵێت بەئامانجگرتنی باڵەخانە دیپلۆماسییەکان پێشێلکردنی یاسای نێودەوڵەتیە.