Bi wêne.. Şandek ji hunermend û ekterên Sûrî serdana Kurdistan24ê kir

K24 – Navenda Nûçeyan

Hejmarek hunermend û ekterên navdar ên Sûriyê di çarçova serdana wan bo Herêma Kurdistanê û Hewlêra paytext de, serdana dezgeha Kurdistan24ê kir.

Ekterê navdar ê dramaya Sûriyê û pêşkêşkarê bernameya “Weznek Zeheb” a kenala “MBC” a Siûdiyê Eymen Zîdan xweşhaliya xwe ji vê serdanê ji K24ê re derbirî.

Eymen Zîdan derbarê serdana xwe de ragihand, sedema ku me ev kenal hilbijart, ji ber ku kenaleke bi navûdeng e û bandora wê diyar e û bûye kenaleke navdewletî, hevdem amaje bi girîngîpêdana Kurdistan24ê bi Kurdên Sûriyê da.

Wî ekterê Sûrî hêvî xwast ku medyaya Kurdî girîngiyeke taybet bide dramayê. Diyar kir jî, di wê rêyê re pirsa Kurd zêdetir tê naskirin.