Hemû Wezîrên Kabîneya Nû desti bi kar kirin

K24- Hewlêr

Îro bi raspardeya Serokê Hikûmeta herêma Kurdistanê Mesrûr Barzanî bihev guhertina desthilatên Wezaretên Navxweyî û Çandiniyê hatin kirin û dawî bi bihev guhertina postan jî hat. Tevahiya wezîrên nû, dest bi karên xwe kirin.

Rêber Ehmed, desthilatên Wezareta Navxweyî ji Kerîm Şingalî û Bêgerd Talabanî desthilatên Wezareta Çandinî û Çavkaniyên Avê ji Wezîrê  bi wekalet Rêbaz Hemlan wergirtin.

Ji bilî spasiya wezîrên berê, tekezî liser bi hevre karkirin û cîbicîkirina karnameya Kabîneya Nû ya Hikûmeta herêma Kurdistanê û cîbicîkirina biryarên yekemîn civîna Encûmena Wezîran, bo zêdetir xizmetkirina welatiyên Kurdistanê hate kirin.

Ev prose bi serpereştiya Komîteyeke Taybet ya Civata Wezîran ji bo bi hev guhertina postên Wezaretan birêve çû, ku ji Rêvebirê Nivîsîngeha Serokê Hikûmetê û Serokê Dîwana Serokatiya Hikûmetê û Sekretêrê Encûmena Wezîran pêk hatibû.