NY: 350 hezar kes ji Idlibê koçber bûne

K24 – Navenda Nûçeyan

Netewên Yekgirtî radigihand, ji ber êrîşên rêjîma Sûriyê û firokeyên Rûsyayê, 350 hezar kes ji parêzgeha Idlibê koçber bûne.

Netewên Yekgirtî ragihand, ji destpêka meha Berçileya 2019an de, ji ber êrîşên rêjîma Sûriyê û firokeyên Rûsyayê, 350 hezar kes ji parêzgeha Idlibê koçber bûne, piraniya wan jî zarok û jin in.

Ji navîna mehê Mijdara 2019an ve  hêzên rêjîma Sûriyê dest bi êrîşa bejahî ser gundewarê başûrê Idlibê kirine û firokeyên rêjîma Sûriyê û Rûsya jî bi tundî wan navçeyan bombebaran dikin.

Wezareta Berevaniya ya Tirkiyê jî ragihandibû ku wê bi Rûsyayê re li ser agirbestê bo Idlibê lihev kirine û ji roja 12ê vê mehê ve ketiye warê bicih kirin.

Lê Balyozxaneya Amerîka li Sûriyê di twittekê de Sûriyê û Rûsya bi binpêkirina agirbest tomebar kir û ragihand, Sûriye û Rûsya malên sivîlan, dibistan û nexweşxaneyan armanc dikin.

Herwiha diyar kir, rêjîma Sûriyê û Rûsya bûne sedema kuştina bi sedan kesên sivîl û koçberbûna bi sedhezaran kesên din.

S. B