Jineke Kurd wek yek ji jinên herî afirîner ên Rojhilata Navîn hate hilbijartin

Navenda Nûçeyan (K24) – Cemîle Mehdî Kakeyî ji aliyê Netewên Yekgirtî ve wek yek ji jinên afirîner ên Rojhilata Navîn hate hilbijartin. Niha jî ew di wê rêxistinê de Berpirsa Doseya Mafên Mirovan a Herêma Kurdistanê ye.

Cemîle jineke kurd a Kakayî ye, li Îranê di kampeke penaberan de ji dayik bûye, di 13 saliya xwe de ji ber zexta civakî zewicî ye, lê piştre di rijd bûye ku bixwîne û xwe bigihîne.

Cemîle di hevpeyvînekê ligel Netewên Yekgirtî de, behsa wê yekê dike ku di destpêka zewacê de, li gund jiyaneke wan a dijwar hebû û pir westiyayî bûn, ji ber vê yekê ew difikirî ku jiyana wan biguhere û baştirîn bijarde jî ew bû, vegere xwendinê.

Ji ber vê yekê Cemîle xwend û piştre dest bi çalakiyan kir, da ku mafên mirovan bi giştî û mafên jinan bi taybetî biparêze. Cemîle niha jî, di Netewên Yekgirtî de wek Berpirsa Dosyaya Mafên Mirovan li Herêma Kurdistanê ye.