Omer Faruk Gergerlîoglu hat berdan

Navenda Nûçeyan (K24) – Omer Faruk Gergerlîoglu, piştî biryara Dadgeha Kocaelî serbest hat berdan.

Piştî biryara Dadgeha Destûrê, Dadgeha Sizaya Girana Kocaelî, biryara azadkirina Omer Faruk Gergerlîoglu da. Piştî biryarê Gergerlîoglu ji Zîndanê derket û ji hêla malbat û parlamenter û endamên HDPê ve hat pêşwazîkirin.

Bi hinceta parvekirina twîtekê Gergerlîoglu hatibû sizadan û bi xwendina biryarê re, 18'ê Adarê mafê parêzbendî jê hatibû standin. Gergerlîoglu û parlamenterên HDPê li Parlamentoya Tirkiyê dest bi çalakiya rûniştine kirin, lê 2'ê Nîsanê polîsê Tirkiyê di parlamentoyê de Gergerlîoglu binçav kirin.

Dadgeha Destûrê beriya pênc rojan biryara azadkirina Gergerlîoglu da û daxwaza qerebûkirina hemû mafên wî kir, piştî pênc rojan dadgeha herêmî biryar cîbicî kir û Gergerlîoglu hat azadkirin.