Hikûmet nirxê du cureyên benzînê li Herêma Kurdistanê dike yek
Navenda Nûçeyan (K24) – Hikûmeta Herêma Kurdistanê ji sibe duşemê ve nirxê benzîna “Kar” û “Lanaz” dike yek.
Jêderekî ji Komîta Dabeşkirina Sotemeniyê ji K24ê re ragehand, biryar e sibe roja duşemê 01.05.2023 ev biryar were cîbicîkirin.
Wî jêderî diyar kir, benzîna ku ji taksî, otobus û kamyonên biçûk re dihate terxankirin ku her lîtreyek bi 690 dînar dihat firotin, dê bibe bi 750 dînarî.
Her wiha benzîna ji cura Lanaz a ku bi 800 dînar bû, dê bihayê wê jî bibe 750 dînar.