Mesrûr Barzanî berê binyatî yê pirojeya Bazarê Fêqî û Zerzewatî yê Hevçerx li Akrê dadine

Navenda Nûçeyan (K24) - Serokê Hikûmeta Herêma Kurdistanê Mesrûr Barzanî îro (Sêşem, 11.06.2024) seet 10:30 li bajarkê Akrê berê binyatî yê Bazarê Fêqî û Zerzewatî yê Hevçerx li Akrê dadine.

Pirojeya Bazarê Fêqî û Zerzewatî yê Hevçerx li Akrê li jêr navnîşanê “Armanca me pêşxistina kertê çandinê li Herêma Kurdistanê ye” ji Birêveberiya Giştî ya Weberhênanê ya Dihokê destûrî wergirtiye û ji aliyê kompaniya Kurdlandê ve ku kompaniyeke navxweyî ya kertê taybet e tê bicihanîn.

Pirojeya Bazarê Fêqî û Zerzewatî yê Hevçerx li Akrê li ser astê Herêma Kurdistanê û Îraqê elweya duyê ya herî mezin e ku bi gojimê 22 milyon dolaran li ser rûberê 245 hezar metrên ducarkî tê çêkirin û dikeve ser rêya serekî ya Dihok-Akrê.

Çêkirina Bazarê Fêqî û Zerzewatî yê Hevçerx li Akrê wekî destpêka şoreşeke nû ya serdemane ya berbazarkirin û embarkirina berhemên çandinê li Herêma Kurdistanê tê hesibandin, ku gelek embarên mezin, sarker, meydanên keskatî û fêqî tevî embara alîkî vedigire.

Di pişka sarkeran de, berhemên çandinê dikarin ji bo demeke dirêj bên embarkirin.

Herwesa bi rêya firotina rasterast, cotyar û bazirganên kertê çandinê dikarin bi hêsanî berhemên xwe berbazar bikin.

Di vê Bazarê Fêqî û Zerzewatî yê Hevçerx de giringî bi kertê xizmetkariyên giştî hatiye dan, wekî bingeha saxlemiyê, bingeha agirvemirandinê, bingeha polîsan, westgeha sotemeniyan, meydana rawestandina erebeyan û devera keskatî ku bi awayekî serdemane tê avakirin.

Pêkhateya pirojeya Bazarê Fêqî û Zerzewatî yê Hevçerx li Akrê:

19 dikan bi rûberê 50 metrên ducarkî

20 embar bi rûberê 450 metrên ducarkî

48 elwe bi rûberê 150 metrên ducarkî

112 elaf bi rûberê 135 metrên ducarkî

1 meydana keskatî bi rûberê 4755 metrên ducarkî

8 sarkerên befirgir bi rûberê 1000 metrên ducarkî

11 sarkerên asayî bi rûberê 1000 metrên ducarkî

2 qepan bi rûberê 290 metrên ducarkî

1 devera keskatî bi rûberê 39 hezar û 861 metrên ducarkî

1 şitilxane bi rûberê 2958 metrên ducarkî

1 meydana rawestandina erebeyan bi rûberê 9716 metrên ducarkî

1 bingeha agirvemirandinê bi rûberê 600 metrên ducarkî

1 bingeha polîsan bi rûberê 600 metrên ducarkî

1 westgeha sotemeniyan bi rûberê 2600 metrên ducarkî

1 xwaringeh bi rûberê 2160.7 metrên ducarkî

1 mizgeft bi rûberê 1025 metrên ducarkî

1 nivîsîngeha kargêriya elweyê bi rûberê 600 metrên ducarkî

1 devera vekirî bi rûberê 33 hezar û 985 metrên ducarkî