Pêleke nû ya berfê li Mûş, Erzirom û Êlihê barî

Navenda Nûçeyan (K24) – Her çend li gor salên borî kêm be jî, pêleke nû ya befirbarînê parêzgehên Mûş, Erzirom û Êlihê yên bakurê Kurdistanê vegirtiye. Ji ber berfê rêyên nêzîkî sed gundan hatine girtin.
Pêleke nû ya berfbarînê parêzgehên Mûş, Batman, Erzirom û Erdexanê vegirtiye. Li Mûşê rêyên 15 gundan, li navçeyên Sason û Hezo yên Batmanê jî rêyên zêdetirî 70 gundan ji ber berfê hatine girtin.
Bihurka navbera Erzirom û navçeya Tekmanê ku 2885 metre bilinde, ji ber berfê hate girtin.
Berf li navenda Mûşê jî barî. Welatiyên ku berfa li pêş dikanên xwe û ser otombêlên xwe paqij dikin, bi hatine berfê re dilxweşin. Dibêjin her çend li navenda bajar bo wan astengî dirust bike jî, bo ajeldarî û cotyaî barîna berfê jiyanî ye.
Welatî dibêjin wan çaverêya berfê dikir, lê îsal hinek dereng ketiye û kêm bariye. Welatî barîna berfê di heman demê de wek paqijbûna hewa û siruştê dibînin û bi başî pêşwazî dikin.
Berpirsên keşnasiyê hişyariyê didin welatiyan ku xwe ji aşût û rewşên dijwar yên berfê biparêzin.
Îsal li seranserê Kurdistanê metirsiya hişkesalî heye. Werzê payîzê baran kêm barî û berfa ku dihat çaverêkirin jî dereng ketiye.